Ministru MPIE,ADN no MOP Observa Progresu Konstrusaun Ponte Foun Suku Liurai.
- Publika husi: Maximiano
- Loron: 06/Jun/2025
Dili,05/06/2025. Ministru Planeamentu Investimentu no Estratéziku S.E Gastão Fransisco de Sousa akompaña husi Adjuntu Diretór Ezekutivu ADN Eng. Januario M.Guterres,Koordenadór UCVQ-ADN Sr.Francisco Xavier de Deus Jerónimo no Ekipa,hamutuk mós ho Tékniku ADN destakadu iha Munisipiu Aileu no mós Tékniku sira husi Ministériu Obras Públiku no Autoridade Suku Liurai, iha loron tersa-feira (02/06/2025) liu ba, halo observasaun ba iha Mota Liurai,iha Suku Liurai,Munisipiu Aileu.
Iha observasaun ne’e, Ministru MPIE ho komitiva mai haree direita kona-ba progresu konstrusaun ponte foun iha mota Liurai.
Remata Observasaun iha tereñu, Ministru MPIE ne’ebé maka akompaña husi Adjuntu Diretór Ezekutivu ADN, Koordenadór UCVQ-ADN,Tékniku ADN destakadu iha Aileu no mós Autoridade Suku Liurai halo enkontru badak ida ho tékniku sira husi MOP no mós ho responsável sira husi kompaña ne’ebé maka implementa hela projetu refere.
Projetu konstrusaun ponte foun ida ne’e nain maka Ministériu Obras Públiku, Montante orsamentu ba konstrusaun maka US$ 2,135,141.39. Projetu ida ne'e hahu implementa iha loron 22/10/2024 no tuir orariu sei termina iha loron 22/08/2025. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;