Dili,25/06/2025. Xefi Departamentu Finansas-ADN hamutuk ho Xefi Departamentu Aprovisionamentu-ADN Partisipa iha lansamentu Matadalan implementasaun Deklarasaun Maubise Faze da-tolu, ne’ebé maka realiza iha loron 24/06/2025 horseik iha Hotel Timor.

Governu Timor-Leste iha Kompromisu atu kontinua Implementa Deklarasaun Maubisse,ne’ebé implementa ona Gradualmente, hahu husi 2015, no to oras ne’e tama ona ba Faze da-tolu.

Iha faze da-tolu ne’e foka liu ba oinsa atu hadi’ak, prioridade prinsipál tolu entre infraestrutura no Ekonomia iha nivel munisipiu to’o nivel rural.

Hanesan instituisaun ne’ebé iha papel importante atu halo advokasia no kordenasaun ba asuntu igualdade jeneru no inkluzaun iha nivel politika, lejislasaun, programa no orsamentu, SEI dezenvolve ona matadalan no kuadru monitorizasaun ida hodi gia entidade implementadór sira atu implementa, monitoriza ninia progressu no halo relatoriu periodikamente durante periudu implementasaun DM III ne’e. Iha 29 de maiu 2025, hamutuk ona ho entidades implementadór 18 halo ona Validasaun ba matadalan no kuadru monitorizasaun ne’e.

Nu’udar pasu tuir mai, SEI halo koordenasaun hamutuk ho PROSIVU, SEI Realiza lansamentu ba matadalan ba implementasaun no monitorizasaun ne’e, atu disponibiliza ona entidade sira bele implementa deklarasaun Maubisse Faze Datoluk.

Entertantu, enkontru ne’e partesipa mós husi MOP, MJDAC, Ministeriu Edukasaun, Parseiru Dezenvolvimentu, Banku Mundiál,BNCTL,Reprezentante Husi Embaixada Australia, no mós, Agensia Nasionál no Internasionál sira.(Media_ADN)