Baucau, 25/06/2025. Tékniku laboratoriu ADN akompaña traballadór sira husi kompaña Arquiris unipesoál Lda halo fundisaun (Pengecoran) da-uluk inklui foti amostra ba Item Cantiliver, projetu konstrusaun Moru Protesaun iha mota samalari Buibau, munisipiu Baucau.

Cantilever maka estrutura konstrusaun ida ne'ebé projeta ba liur la-hó apoiu diretu iha rohan, suporta de'it iha sorin ida. Termu ne'e komún iha enjeñaria sivíl no arkitetura.

Ezemplu sira husi Estrutura Cantilever maka hanesan; Varanda ida ne'ebé sai no la-iha ai-riin iha okos. Tetu ka kanopi ne'ebé sai hosi konstrusaun (bangunan) ida. Ponte ida (hanesan ponte pendente ka ponte cantilever). Eskada ida ho eskada sira ne'ebé kesi ba didin ida ne'ebé la-iha apoiu iha okos.

Karakterístika sira husi Cantilever; Rohan ida kesi metin ka apoia, bai-bain iha didin ka ai-riin boot. Rohan seluk livre la-hó apoiu iha kraik. Tenke dezeña ho kuidadu atu tahan momentu fleksaun no forsa tesi nian atu nune'e labele nakfera.