PM Observa Kongregasaun Irmãs Hospitaleiras da Misericordia
- Publika husi: Maximiano
- Loron: 14/Jul/2025
Dili, 14/07/2025. Diretór Ezekutivu Interinu Ajénsia Dezenvolvimentu Nasionál (ADN) Eng. Januario M. Guteres hamutuk ho Assesór Tékniku Nasionál ADN Sr. Gui Daniel T de Jesus iha loron Sexta feira (11/07/2025) liu ba, akompaña Primeiru Ministru S.E Kay Rala Xanana Gusmão no mós Ministru Obras Publika Sr. Samuel Marçal hodi halo vizita ba iha Kongregasaun Irmãs Hospitaleiras da Misericordia Iha Postu Administrativu Maucatar - Thai, Covalima.
Iha vizita ne’e, Primeiru Ministru no delegasaun halo observasaun ba kondisoens sira iha kongregasaun Irmãs Hospitaleiras da Misericordia nian hafoin Primeiru Ministru deskansa ituan no konversa ho Madre sira inklui ho labarik sira ne’ebé maka Madre sira ne’e tau matan. Iha oportunidade hanesan Primeiru Ministru fahe mós bukae balun ba ki’ik oan sira no mós ba Madre sira. Iha tempu hanesan Madre sira mós oferese tersu ba Primeiru Ministru inklui Delegasaun sira. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;