D.E ADN Interiñu no Ekipa Hala’o Enkontru ho Embaixadór Malázia b Timor Leste
- Publika husi: Maximiano
- Loron: 29/Aug/2025
Dili, 29/08/2025. Diretór Ezekutivu Interiñu ADN Eng. Januario M. Guterres,
akompaña husi Koordenadór Unidade no Estudu no Dezenvolvimentu Abilidade (UEDC)
Sr. Demistocles Graciliano Ximenes F. Cabral no ho mós Assesora Téknika
Nasionál ADN Sra. Valentina Violet Correia Bianco hala’o enkontru ho Dato'
Amarjit Sarjit Singh, Embaixadór Malázia nian ba Timor-Leste. Enkontru ne’e
rasik realiza iha sala enkontru Embaixada Malázia nian iha Palm Business &
Trade Centre, Rua de Fatumeta, Suku Bairro Pite, Postu Administrativu Dom
Aleixo, Dili, Timor-Leste, Timor-Leste.
Iha enkontru ne’e, Diretór Ezekutivu Interiñu ADN ho ekipa no mós
Embaixadór deskute liu ba asuntu prinsipál balu relasiona ho proposta husi
Ajénsia Dezenvolvimentu Nasionál (ADN) nian atu selebra Memorandu Entendimentu
(MoU-Sigla Inglés) entre Ministériu Planeamentu Investimentu no Estratéjiku
(MPIE) ho Ministériu Infraestrutura Malázia nian. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;