Manatuto, 24/09/2025. Hafoin Ajénsia Dezenvolvimentu Nasionál (ADN) liu husi Enjeñeiru destakadu iha Munisipiu Manatuto hamutuk ho Enjeñeiru sira husi Laboratóriu ADN, Laboratóriu Nasionál no Tékniku sira husi UIVP-MOP halo intervensaun hodi sobu Konstrusaun Cyclope no Groynes Mota Obrato tanba iha pratika kompaña utiliza Simenti ho Marka KAITO ne'ebé maka seida’uk hetan aprovasaun husi parte kompetente no orienta tengki utiliza hikas simenti ne'ebé maka hetan ona aprovasaun.

Parte kompaña kumpri ba Orientasaun ne'ebé maka iha nune’e hatama hikas Simenti ho Marka Conch ne'ebé maka hetan ona aprovasaun husi parte kompetente no sei utiliza simenti ida ne’e hodi kontinua hikas halo servisu konstrusaun.

Iha biban ne’e kontinua fo hanoin ba kompaña sira hotu ne'ebé maka kaer hela obra konstrusaun sira iha teritóriu Timor-Leste atu iha implementasaun servisu projetu konstrusaun husu atu kontinua utiliza material sira ne'ebé maka haktuir ona iha kontratu laran no material sira ne’ebé maka iha ona aprovasaun husi parte kompetente sira.

Iha implementasaun projetu konstrusaun ida, materiál sira ne'ebé uza tenke tuir buat ne'ebé konkorda ona iha kontratu, espesifikasaun téknika sira, no dezeñu serbisu nian.

Razaun, atu Kualidade ne'ebé garantidu, ho Materiál sira ne'ebé konkorda ona liu husi prosesu revizaun tékniku no kualidade ne'ebé tuir padraun sira. Ho ida ne'e bele Kumprimentu kontratu, Uza materiál sira seluk lahó aprovasaun bele konsidera hanesan violasaun kontratu.

Utiliza material sira ne’ebé aprovadu ona bele fo garantia Seguransa konstrusaun nian, tanba Materiál oioin bele afeta forsa, seguransa, no vida konstrusaun.

Ho Auditoria no supervizaun mak Konsultór supervizór no empregadór sei halo inspesaun ba materiál sira hodi asegura katak sira kumpre dokumentu konkursu/kontratu nian.

Utiliza materiál sira ne’ebé aprovadu hatudu mós Responsabilidade legál tanba Se konstrusaun ida falla tanba materiál sira ne'ebé la aprovadu, maka kontratór bele hetan sansaun sira.

Tanba ne’e, karik kontratór hakarak atu substitui materiál sira (ezemplu, tanba disponibilidade ka presu), tenke hetan aprovasaun eskrita formál husi supervizór/konsultór/na’in molok uza.(MÉDIA_ADN)