DILI, 26/09/2025. Diretór Ezekutivu Interiñu Ajénsia Dezenvolvimentu Nasionál Eng. Januario M. Guteres iha loron Sexta-Feira (26/09/2025) liu ba, partisipa iha reuniaun Konsellu Administrasaun Fundu Infraestrutura (KAFI) ne’ebé maka lidera direira husi Primeiru Ministru RDTL S.E Kay Rala Xanana Gusmão. Reuniaun KAFI ne’e rasik realiza iha Sala enkontru Ministériu Finansas (MF), Aitarak Laran.

Iha Reuniaun ne’e halo diskusaunkona-ba prioridade sira iha tinan 2026 no inklui halo preparasaun Orsamentu Jerál Estadu (OJE) tinan 2026 nian.

Reuniaun KAFI ida ne’e organiza husi  Sekretariadu Grande Projetus  no partisipa husi Prezidente KAFI atúal Ministru MPIE no mós Ministru  sira ne’ebé maka núdar membru  KAFI, Kargu Xefia sira liga ba  área planeamentu, finansas no obras públikas no Diretór Ezekutivu Interiñu  Ajénsia Dezenvolvimentu Nasionál (ADN), Komisaun Nasionál Aprovizionamentu (CNA-Sigla Portugés)) no liña ministeriál sira ne’ebé implementa hela projetu no nia  finansiamentu mai husi husi Fundu Infraestrutura. (Media_ADN)