Diretór Ezekutivu ADN Interiñu Partisipa iha Audensia ho Parlamentu Nasionál Komisaun G no E.
- Publika husi: Maximiano
- Loron: 17/Oct/2025
Dili,17/10/2025. Diretór Ezekutivu ADN Interiñu no atúal Diretór Adjuntu ADN Eng. Januario M.Guterres hamutuk ho ekipa akompaña Ministru MPIE S.E Eng. Gastão Fransisco de Sousa iha loron Sexta-Feira (17/10) hodi halo audensia ho Parlamentu Nasionál Komisaun G no E. Audensia ida ne’e rasik hala'o iha Parlamentu Nasionál.
Objetivu husi audensia ho Parlamentu Nasionál liliu komisaun G ne’ebé trata asuntu Edukasaun no mós komisaun E ne'ebé trata Asuntus Infraestrutura ne’e hodi halo aprezentasaun kona-ba ezekusaun tinan 2025 nian no mós kona-ba proposta Orsamentu tinan 2026 nian.
Iha oportunidade ne’e Diretór Ezekutivu ADN Interñu hetan mós oportunidade hodi responde ba kestaun balun ne'ebé maka hato'o husi Deputadu sira.
Audensia ida ne’e prezide husi Prezidente Komisaun E Sr. Marcos Xavier no partisipa mós husi membru sira husi Komisaun G no E. Entertantu Ministru MPIE akompaña husi Kargu Superior sira husi Instituisaun sira ne’ebé tutela ba MPIE no inklui mós Kargu Diretór Jerál sira no kargu Diretór sira iha MPIE. (MÉDIA_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;