UEDC-ADN realiza atividade Fahe Koñesimentu kona-ba Padraun remunerasaun ba servisu konsultoria iha área Infraestrutura
- Publika husi: Maximiano
- Loron: 21/Oct/2025
Dili,21/10/2025. Ajénsia Dezenvolvimentu Nasionál (ADN) liu husi Unidade Estudus no Dezenvolvimentu Kompetênsias (UEDC) realiza atividade Fahe Koñesimentu kona-ba Padraun remunerasaun ba servisu konsultoria iha área Infraestrutura nian. Atividade ne’e realiza iha loron Sexta-Feira (17/10) liu ba iha sala enkontru ADN nian iha Hudi Laran,Dili.
Transferénsia koñesimentu maka krusiál atu mantein sustentabilidade, hasa'e produtividade, no hametin kompetitividade organizasionál. Ida-ne'e garante katak koñesimentu la lakon bainhira ema ida-idak muda papél.
Transferénsia koñesimentu maka prosesu sistemátiku ida hodi fahe koñesimentu, abilidade, no esperiénsia husi indivíduu, ekipa, ka organizasaun ida ba ida seluk. Objetivu maka atu prezerva koñesimentu krítiku no asegura kontinuidade operasionál no inovasaun.
Entertantu atividade ne’e transmite husi Sr. Bambang Soendaroe ne’ebé maka núdar peritu iha área ida ne’e no mai husi institutu INKINDO-Indonézia. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;