Don Virgilio Inagura Kapela Nossa Senhora Maria Auxiliadora dos Cristão Saboria

Dili, 10/11/2025. Ajénsia Dezenvolvimentu Nasional (ADN) liu husi nia Koordenadór UCVQ hamutuk ho enjeñeru sira husi ADN ne’ebé maka destaka iha munisipiu Aileu no mós ekipa husi ADN ne’ebé akompaña Koordenadór UCVQ iha loron Sabadu (08/11) ne’e, partisipa iha serimonia inagurasaun Kapela Nossa Senhora Maria Auxiliadora dos Cristão ne’ebé maka lokaliza iha Suku Saboria, Postu Administrativu Aileu, Munisipiu Aileu.

Kapela Nossa Senhora Maria Auxiliadora dos Cristão ida ne’e inagura direta husi Arsebispu Arkiodioseze Metropolitana Dili nian Don Virgilio Kardeál do Carmo da Silva no akompaña husi Ministru Obras Públika S.E Samuel Marçal.

Entertantu, Projetu rehabilitasaun kapela ida ne’e responsabiliza husi kompaña Quatro Colegas, Lda no fundu ba projetu ida ne’e rasik mai husi Ministériu Obras públika (MOP) ho montante kontratu hamutuk $218.833,56, projetu ida ne’e rasik hahu implementa iha loron 01/11/2024 to’o 31/05/2025.

Partisipa iha serimonia inagurasaun ida ne’e, aleinde husi parte ADN nian, partisipa mós husi governante balu, parte Igreja inklui sarani sira iha Suku Saboria rasik.(Media_ADN)