Identifikasaun ba Kondisaun Eskola ne’ebé Grave iha Munisipiu Covalima
- Publika husi: Maximiano
- Loron: 11/Feb/2026
Covalima, 11/02/2026. Hafoin termina tiha enkontru ho Prezidente Autoridade Munisipiu Covalima, Diretór Ezekutivu ADN,I.P Eng. Januario M. Guterres akompaña husi Tékniku ADN,I.P destakadu iha munisipiu Covalima hamutuk ho Sekretáriu Munisipál Planeamentu, Investimentu no Dezenvolvimentu Integradu, Diretór Planementu Integradu Dezemvolvimentu Munisipál (PDIM) Covalima, tun ba tereñu hodi halo identifikasaun ba Eskola sira ne’ebé maka nia kondisaun át no Gravé.
Objetivu husi atividade ida ne’e maka atu halo identifikasaun ba kondisaun husi eskola sira ne’ebé maka ho kondisaun át no grave atu nune’e, bele halo rehabilitasaun no karik mós halo konstrusaun foun ou aumenta sala aprendizajén.
Ba loron da-uluk nian, Diretór Ezekutivu ADN,I.P Eng. Januario M. Guterres akompaña husi Tékniku ADN,I.P destakadu iha munisipiu Covalima hamutuk ho Sekretáriu Munisipál Planeamentu, Investimentu no Dezenvolvimentu Integradu, Diretór Planementu Integradu Dezemvolvimentu Munisipál (PDIM) halo uluk identifikasaun iha Kasabauk,Kuitau, Biseuk.
Atividade identifikasaun ba kondisaun Eskola no Postu Saúde ne’e rasik sei kontinua halo husi tékniku ADN,I.P ne’ebé maka kopera ho Tékniku husi Ministeriu Edukasaun Munisipál, Ministeriu Saúde Munisipál no mós Autoridade relevante sira iha munisipiu Covalima hodi nune’e bele hetan dadus ne’ebé maka real no detallu, tanba ho dadus ne’e sei hato’o ba iha Ministru MPIE ne’ebé núdar mós Prezidente KAFI no ho dadus ne’e maka sei deskute iha KAFI hodi foti desizaun ruma. (Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;