Ekipa ADN Manufahi Monitoriza Projetu Infraestrutura iha Same Vila
- Publika husi: Maximiano
- Loron: 15/Apr/2026
Manufahi, 15/04/2026. Ekipa ADN I.P Munisipiu Manufahi hala’o monitorizasaun ba projetu konstrusaun rua iha área Same Villa, ho objetivu atu asegura implementasaun servisu la'o tuir planu no padraun tékniku ne’ebé iha.
Projetu dahuluk mak Konstrusaun Edifisiu St. Henrique CIJ no Konstrusaun Foun Parede hale’u St. Henrique CIJ Letefoho, ne’ebé lokaliza iha Same Villa, Munisipiu Manufahi. Projetu ida ne’e implementa husi kompaña Caburenu Unipesoál Lda.
Iha tempu hanesan, ekipa ADN mós halo monitorizasaun ba projetu Konstrusaun Foun ba Edifísiu Apoiu Rezidente Prokuradoria nian iha Letefoho, Same Villa, Munisipiu Manufahi. Projetu ida ne’e implementa husi kompaña Visio Dei Unipesoál Lda.
Monitorizasaun ne’e inklui observasaun direta ba progresu fiziku, kualidade servisu, no konformidade ho espesifikasaun téknika ne’ebé determina ona iha kontratu. Ho atividade ne’e, ADN I.P espera katak projetu sira bele remata ho di’ak, tuir prazu ne’ebé determina ona, no fornese benefísiu ba komunidade iha Munisipiu Manufahi.(Média-ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;