Laboratoriu ADN,I.P Rekolla Amostra Konkretu iha Ponte Maulelo, Ainaro
- Publika husi: Maximiano
- Loron: 15/Apr/2026
Ainaro,15/04/2026. Tékniku Laboratóriu ADN I.P hala'o atividade rekolla amostra material konstrusaun iha área Ponte Maulelo, Suku Maununo, Postu Administrativu Ainaro, Munisípiu Ainaro.
Iha atividade ne’e, ekipa teknika ADN I.P foti amostra konkretu tipu cyclop iha estrutura abutment ponte nian. Rekolla amostra sira ne’e hanesan parte husi prosesu kontrolu kualidade ba material konstrusaun sira iha projetu refere.
Atividade ne’e integra iha servisu monitorizasaun no verifikasaun laboratoriu ba projetu konstrusaun Panel Ponte no Protesaun Cyclope ba Mota Mauleo, iha Suku Mau-Nuno.
Objetivu husi rekolla amostra ne’e mak atu asegura material konstrusaun ne’ebé utiliza iha projetu ne’e tuir padraun tekniku, buka hatene iha kualidade di’ak no garante seguransa estrutura ponte nian iha futuru.
Ho implementasaun kontrolu kualidade ne’e, espera atu hasa’e nivel durabilidade no seguransa infraestrutura publika iha área refere.(Média-ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;