Ekipa ADN Lautem Halo Monitorizasaun ba Projetu Infraestrutura iha Mehara no Muapitine
- Publika husi: Maximiano
- Loron: 14/Apr/2026
Lautem,15/04/2026. Ekipa ADN Munisípiu Lautem hala’o monitorizasaun no vizita ba projetu konstrusaun Monumentu Dom Martinho da Costa Lopes, Plaka Saudozu Tomas Fernandes, Igreja Foun Mehara, no Dormitóriu Carmelitas Sisters iha Muapitine.
Parte sira ne’ebé involve iha atividade ida ne'e kompostu husi Ekipa ADN Lautem, Kordenadór UCVQ/PAM Lautem, Sekretáriu PDIM, Diretór MOP Lautem hamutuk ho kontratór s Marjo CO Unipessoal Lda no Gaerenez Unipessoal Lda.
Atividade ne’e rasik realiza iha Suku Mehara no Muapitine, Município Lautem, Timor-Leste.
Atividade ne’e hala’o resentemente durante enkontru no vizita monitorizasaun iha fatin projetu.
Atividade ne’e rasik realiza hodi asegura katak implementasaun projetu konstrusaun sira la’o tuir planu, padraun tekniku, kualidade servisu, no prazu kontratu ne’ebé estabelese husi governu.
Monitorizasaun ne’e hala’o liu husi vizita direta ba fatin konstrusaun, diskusaun ho ekipa implementador, no avaliasaun ba progresu servisu iha projetu sira.
Atividade monitorizasaun ne’e reforsa komitmentu husi parte hotu ne'ebé involve direita iha prosesu ne’e hodi garante infra-estrutura publika sira dezenvolve ho di’ak, transparénsia, no benefísiu ba komunidade lokal.(Média-ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;