Ministru MPIE no ADN,I.P Hala'o Enkontru ho Empreza Berd Husi Portugal
- Publika husi: Maximiano
- Loron: 13/Apr/2026
Dili, 13/04/2026. Ministru MPIE S.E Gastão Fransisco de Sousa akompaña husi Diretór Ezekutivu ADN,I.P Eng. Januario Maia Guterres, Diretór Adjuntu ADN,I.P Eng. Demistocles G. X. F. Cabral no mós Assesór Prinsipál MPIE Sr. Julio Tomas Pinto inklui Assesór Tékniku Internasionál ADN,I.P nian, hala’o enkontru ho Reprezentante husi Embaixada Portugál iha Timor Leste no mós Reprezentante Kompaña Berd husi Portugál. Enkontru ida ne’e realiza iha Sala Enkontru Gabinete Diretór Ezekutivu ADN,I.P nian iha Hudi Laran,Dili, Timor-Leste.
Objetivu husi enkontru ida ne’e maka hodi rona aprezentasaun husi kompaña Berd husi Portugál ne’e rasik kona-ba materiál ba ponte besi modular ne’ebé maka empreza enjeñaria ida ne'e nia espesializa iha konstrusaun ponte sira.
BERD hanesan empreza enjeñaria portugés ida ne'ebé espesializa iha dezeñu no teknolojia konstrusaun ponte nian.
Espesialista iha Peskiza & Dezeñu Enjeñaria Ponte nian (BERD) mai husi nasaun orijen Portugál no harii iha tinan 2006 ninia Sede iha Matosinhos (besik Porto).
BERD koñesidu tanba nia foku ba solusaun tékniku sira ba projetu ponte sira, hanesan Dezeñu estruturál ponte nian (enjeñaria ponte nian), Métodu konstrusaun modernu sira (ponte segmentál sira, prefabrikadu), Dezenvolvimentu ekipamentu pezadu espesializadu hanesan, Lansamentu pórtiku sira (ekipamentu instalasaun segmentu ponte nian), Sistema andamiu ne'ebé bele muda (MSS), Solusaun efisiente ba projetu infraestrutura boot sira.
BERD hanesan empreza enjeñaria internasionál husi Portugal ne’ebé foka liu ba teknolojia no konstrusaun ponte modernu, dala barak envolve iha projetu infraestrutura boot iha nasaun oioin.(Media_ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;