ADN I.P AILEU Halo Monitorizasaun Ba Konstrusaun Kapela iha Saboria Aileu Vila
- Publika husi: Maximiano
- Loron: 14/Apr/2026
Aileu,15/04/2026. Ekipa ADN I.P Munisipiu Aileu hala'o monitorizasaun ba projetu konstrusaun kapela iha Saboria, Aileu Vila, ne’ebé implementa husi kompaña Quatros Colegas Unipesoál Lda.
Monitorizasaun ne’e realiza hodi kontinua asegura obra ne’ebé hala'o hela ne'e tuir duni ba iha padraun tékniku no espesifikasaun ne’ebé estabelese ona. Projetu kapela refere remata ona iha tinan 2025 ho kondisaun fíziku ne’ebé konsidera di’ak no prontu atu utiliza husi komunidade lokal no sarani sira hodi hala'o atividade relijioza nian.
Durante atividade monitorizasaun, ekipa ADN I.P mós halo avaliasaun final ba kualidade konstrusaun, inklui estrutura, akabamentu no seguransa edifísiu. Rezultadu husi observasaun hatudu katak projetu ne’e implementa tuir planu no kontribui positivamente ba fasilidade relijiozu iha área Saboria.
ADN I.P kontinua kompromete atu halo akompañamentu no monitorizasaun ba projetu sira iha munisipiu hotu-hotu hodi nune’e nafatin garante sustentabilidade no benefísiu ba komunidade.(Média-ADN)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;