Jakarta, 18/09/2026. Diretór Ezekutivu Ajénsia Dezenvolvimentu Nasionál, Institutu Públiku (ADN,I.P), Eng. Januário Maia Guterres, akompaña husi Koordenadóra Unidade Jestaun Administrasaun (UGA-ADN), Sra. Amelia da Costa, Assesóra Téknika ADN,I.P husi UEDC-ADN, Sra. Valentina Violet C. Bianco, Assesór Finansas ADN,I.P, Sr.Nelson Soares Pinto, no ekipa téknika husi UEDC-ADN no GADE-ADN,I.P, hala’o enkontru ho ekipa delegasaun husi Ministériu Obras Públikas Repúblika Indonézia iha Jakarta, sexta-feira (18/09).

Delegasaun Ministériu Obras Públikas Repúblika Indonézia lidera husi Sr. Indra Pantja Pramodo, núdar Diretór Jerál Interinu ba Dezenvolvimentu Konstrusaun / Asesór Senior kona-ba Ekonomia no Investimentu, MPW RI, akompaña husi Sra. Airyn Saputri Harahab, Diretóra ba Negósiu no Institusionál Servisu Konstrusaun; Sr. Agus Radjo, Xefe Subdiresaun Merkadu Servisu Konstrusaun, MPW RI Sr. Alfa Aditia, Xefe Divizaun Kooperasaun Internasionál, MPW RI; Sra. Lina Anggraini Sekretária Ajénsia Dezenvolvimentu Rekursu Umanu, MPW RI no membru ekipa seluk. Enkontru ne’e organiza husi UEDC-ADN no hala’o iha sala enkontru Ministériu Obras Públikas Repúblika Indonézia, Jakarta.

Enkontru ne’e nia objetivu mak atu hametin diálogu no kooperasaun institusionál entre Timor-Leste no Indonézia, liuliu iha área dezenvolvimentu infraestrutura.

Iha enkontru ne’e, ADN,I.P liu husi Diretór Ezekutivu ADN Eng. Januario M.Guterres hato’o apresiasaun no agradese ba Governu Repúblika Indonézia, liuliu Ministériu Obras Públikas, tanba apoiu no kooperasaun ne’ebé fó ona ba ADN durante tinan 2025 no 2026.

"