Covalima, 02/10/2026. Ekipa tékniku Ajénsia Dezenvolvimentu Nasionál, Institutu Públiku (ADN,I.P) Munisípiu Covalima hala’o inspeksaun ba pagamentu ba projetu Konstrusaun Moru Protesaun Gabions no Groynes iha Mota Salasa Nagidal, Suku Lour, Postu Administrativu Zumalai, Munisípiu Covalima.

Inspeksaun ne’e hala’o atu verifika progresu no kualidade obra iha tereñu, liuliu servisu konstrusaun ne’ebé realiza ona, no kompara ho volume servisu ne’ebé aprezenta ba prosesu pagamentu.

Projetu ne’e iha Númeru Kontratu MOP-EO-26206, ho lokalizasaun obra husi Sta. 0+000 to’o Sta. 0+400, no iha valor kontratu hamutuk USD 365,266.32. Implementasaun projetu ne’e responsabiliza husi Kompaña Joelamor Unipessoal, Lda.

Ekipa téknika ADN,I.P iha prosesu inspeksaun kontinua fó atensaun ba konformidade servisu ho espesifikasaun téknika, kualidade materiais, volume servisu realiza ona no kondisaun atúal obra, hanesan parte husi monitorizasaun ba ezekusaun projetu infraestrutura públika iha Munisípiu Covalima.

Inspeksaun no verifikasaun téknika ne’e importante atu asegura katak pagamentu ba servisu ne’ebé realiza iha tereñu bazeia ba progresu fiziku no servisu ne’ebé kumpre ho padraun no espesifikasaun kontratu.

Objetivu prinsipál husi monitorizasaun projetu mak asegura implementasaun obra tuir kontratu, dezeñu tékniku, espesifikasaun, prazu no padraun kualidade, no mós verifika progresu, volume servisu no pagamentu tuir servisu ne’ebé efetivamente hala’o iha terenu.