EKIPA ADN, I.P HALA’O INSPESAUN BA PROJETU KONSTRUSAUN FOUN ESKOLA TÉKNIKA VOKASIONÁL MALABE
- Publika husi: Celso
- Loron: 28/Oct/2026
Atsabe, 28/10/2026. Ekipa Ajénsia Dezenvolvimentu Nasionál, Institutu Públiku (ADN, I.P) hala’o inspesaun ba projetu konstrusaun foun Eskola Téknika Vokasionál Malabe, ne’ebé implementa husi konsórsiu kompaña ATULULI Unipesoál Lda no BIAMALI Unipesoál Lda iha Postu Administrativu Atsabe.
Inspesaun ne’e nia objetivu mak atu verifika diretamente iha tereñu ezekusaun servisu konstrusaun, hodi asegura katak servisu ne’e hala’o tuir dezeñu tékniku, espesifikasaun kontratu no padraun kualidade ne’ebé estabelese.
Liuhusi inspesaun ne’e, ADN, I.P kontinua hala’o nia knaar atu monitoriza no kontrola ezekusaun projetu infraestrutura públika, hodi asegura katak servisu konstrusaun kumpre kritériu tékniku no kualidade ne’ebé determina iha kontratu.
Konstrusaun infraestrutura edukasaun hanesan Eskola Téknika Vokasionál Malabe iha importánsia atu apoia dezenvolvimentu ensinu tékniku no vokasionál, hodi prepara joven sira ho koñesimentu no kapasidade prátika atu kontribui ba dezenvolvimentu nasionál.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;