ADN, I.P. AKOMPANHA PROSESU NAHE ASFALTU AC-BC IHA KULUHUN TO`O TERMINAL BEKORA
- Publika husi: Celso
- Loron: 01/Oct/2026
Dili, 01/10/2026. Tékniku Laboratóriu husi Ajénsia Dezenvolvimentu Nasionál, Institutu Públiku (ADN,I.P) hala’o akompañamentu no monitorizasaun ba prosesu nahe asfaltu Concrete Binder Course (AC-BC) iha trosu estrada husi Kuluhun to’o Terminal Becora, Dili.
Atividade ne’e hala’o iha loron 30 Setembru 2026, núdar parte husi akompañamentu tékniku ba implementasaun projetu, ho objetivu atu asegura katak prosesu nahe asfaltu hala’o tuir espesifikasaun téknika, padraun kualidade no rekizitu sira ne’ebé determina iha dokumentu kontratuál.
Iha prosesu nahe AC-BC, aspetu tékniku sira hanesan temperatura asfaltu, espessura kamada, nivelamentu no grau kompaktasaun presiza hetan atensaun, tanba sira importante ba kualidade, estabilidade no durabilidade estrutura pavimentu estrada.
Liu husi akompañamentu no monitorizasaun ne’e, ADN,I.P kontinua hala’o nia papel iha kontrolu no garantia kualidade ba implementasaun infraestrutura públika, inklui fó orientasaun téknika bainhira identifika aspetu sira ne’ebé presiza hadi’a durante prosesu konstrusaun.
Projetu ne’e implementa husi Kompaña Meteor Unipessoal, Lda.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;