ADN,I.P. Lautem Halo Monitorizsaun Ba Projetu Reabilitasaun Estrada Munisipal Ligasaun Mehara- Asalaino
- Publika husi: Celso
- Loron: 19/Oct/2026
LAUTÉM, 19/10/2026. Ekipa Ajénsia Dezenvolvimentu Nasionál, Institutu Públika (ADN, I.P) Munisípiu Lautém hala’o monitorizasaun ba implementasaun Projetu Reabilitasaun Estrada Munisipál (Ligasaun C02) iha área Mehara, Munisípiu Lautém, ne’ebé inklui trosu estrada Asalaino–Mehara.
Projetu ne’e iha naruk totál 20,17 km, no Lote I kobre trosu husi estasaun 0+000 to’o 5+000, ho naruk 5 km. Implementasaun projetu ne’e hala’o husi empreiteiru FLOACJO, Lda tuir númeru kontratu SSS/026/MOP-2026.
Projetu reabilitasaun estrada ne’e iha valór kontratu hamutuk US$ 4.624.370,53.
Monitorizasaun ne’e hanesan parte ida husi knaar ADN, I.P atu akompaña implementasaun projetu infraestrutura públika, hodi asegura katak servisu konstrusaun hala’o tuir planu, espesifikasaun téknika no kondisaun kontratu ne’ebé aprova ona.
Liuhusi monitorizasaun regulár, ADN, I.P kontinua akompaña progresu servisu iha kampu no fó atensaun ba kumprimentu padraun kualidade, atu infraestrutura estrada ne’e bele fó benefísiu ba komunidade no utilizadór estrada sira.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;