EKIPA ADN, I.P NO MOP HALA’O MONITORIZASAUN NO FOTI AMOSTRA BETAUN 25 MPa BA PROJETU REABILITASAUN ESTRADA LARIGUTU–BUILALE
- Publika husi: Celso
- Loron: 27/Oct/2026
Viqueque,27/10/2026. Ekipa Ajénsia Dezenvolvimentu Nasionál, Institutu Públiku (ADN, I.P) Munisípiu Viqueque, hamutuk ho ekipa Ministériu Obras Públikas (MOP) ne’ebé destaka ba área refere, hala’o monitorizasaun no foti amostra betaun ho rezisténsia 25 MPa ba elementu Box Culvert Single Cell iha projetu reabilitasaun estrada Larigutu–Builale, estasaun 0+000 to’o 4+500, Pakote I, Munisípiu Viqueque.
Atividade monitorizasaun no foti amostra ne’e nia objetivu mak atu verifika no avalia kualidade betaun ne’ebé uza iha konstrusaun Box Culvert Single Cell, liuhusi teste laboratóriu, atu asegura katak betaun ne’ebé uza kumpre ho rezisténsia no espesifikasaun téknika ne’ebé determina ona iha projetu.
Projetu ne’e iha númeru kontratu SSS/109/MOP-2026, ho montante kontratu hamutuk US$ 1,905,431.63, no implementa husi kompaña SINAR SATELITE HOLDING E DIVERSOS, LDA.
ADN, I.P kontinua hala’o monitorizasaun no kontrolu kualidade ba implementasaun projetu infraestrutura públika, atu asegura katak servisu konstrusaun hala’o tuir espesifikasaun téknika, padraun kualidade no termu kontratu ne’ebé aprova ona.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;