EKIPA ADN, I.P MANATUTO HALA’O MONITORIZASAUN BA PROJETU KONSTRUSAUN 1.700 KAMPAS IHA JARDIM DOS HERÓIS NATARBORA
- Publika husi: Celso
- Loron: 29/Oct/2026
Manatuto,29/10/2026. Ekipa Ajénsia Dezenvolvimentu Nasionál, Institutu Públiku (ADN, I.P) Munisípiu Manatuto hala’o monitorizasaun ba projetu konstrusaun kampas hamutuk 1.700 iha Jardim eróis, Natarbora, Munisípiu Manatuto. Projetu ne’e implementa husi kompaña Adrimau & Ariyanto, Lda.
Monitorizasaun ne’e ho objetivu atu akompaña progresu ezekusaun obra no verifika servisu konstrusaun hala’o tuir dezeñu tékniku, espesifikasaun kontratu no padraun kualidade ne’ebé determina.
Liuhusi atividade ne’e, ekipa ADN, I.P bele observa kondisaun servisu iha tereñu no avalia aspetu tékniku relevante sira durante implementasaun projetu, hodi kontribui ba garantia kualidade obra no kumprimentu obrigasaun kontratual husi kompanhia implementadora.
ADN, I.P kontinua hala’o nia knaar monitorizasaun ba projetu infraestrutura públika atu promove transparénsia, responsabilidade no utilizasaun rekursu públiku ho efisiénsia, nune’e obra ne’ebé implementa bele kumpre objetivu no benefísiu ne’ebé planeadu.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;