Covalima, 27/10/ 2026. Ekipa Ajénsia Dezenvolvimentu Nasionál, Institutu Públiku (ADN, I.P), hala’o monitorizasaun ba implementasaun projetu infraestrutura haat iha Munisípiu Covalima, ho objetivu atu haree no avalia progresu servisu iha tereñu, nune’e asegura katak ezekusaun projetu sira tuir planu no espesifikasaun téknika ne’ebé determina ona.

Projetu dahuluk mak Konstrusaun Foun Eskuadra Polísia iha Tilomar, Munisípiu Covalima, ne’ebé implementa husi kompaña Winto Unipesoál, Lda.

Projetu daruak mak Konstrusaun Muru Sirkundante ba Dormitóriu iha Uma Mahon Salele, Munisípiu Covalima, ne’ebé implementa husi kompaña Haburas Maukola Unipesoál, Lda.

Projetu datoluk mak Konstrusaun Foun Muru Sirkundante, Aterru no Betaun iha PIF Salele, Munisípiu Covalima, ne’ebé implementa husi kompaña Romante Unipesoál, Lda.

Enkuantu projetu dahaat mak Konstrusaun Foun Edifísiu U.P.F iha Mota Masin, Munisípiu Covalima, ne’ebé implementa husi kompaña Joia Camenasa Unipesoál Lda.

Monitorizasaun ne’e importante atu akompaña progresu implementasaun projetu sira, verifika kualidade servisu iha tereñu no identifika asuntu tékniku sira ne’ebé presiza atensaun husi empreiteiru sira, atu nune’e infraestrutura ne’ebé konstrui bele kumpre padraun no espesifikasaun téknika ne’ebé determina iha kontratu.

ADN, I.P kontinua hala’o nia knaar monitorizasaun no supervizaun ba projetu infraestrutura públika, atu promove transparénsia, responsabilidade no kualidade iha ezekusaun projetu sira, ho objetivu atu asegura utilizasaun rekursu públiku ne’ebé efisiente no infraestrutura ne’ebé fó benefísiu ba komunidade.