ADN,I.P. Halo Teste Rezistensia Konkretu 24 MPa Ba Projetu Reabilitasaun Igreja Sao Joao Bosco No Kampu Multi-Funsaun Iha Baucau
- Publika husi: Celso
- Loron: 19/Oct/2026
BAUCAU, 19/10/2026. Tékniku husi Laboratóriu Ajénsia Dezenvolvimentu Nasionál, Institutu Públiku (ADN I.P) hala’o teste iha tereñu ba konkretu ho rezisténsia projetada 24 MPa, iha âmbitu projetu reabilitasaun Igreja São João Bosco no kampu multi-funsaun, ne’ebé lokaliza iha Suku Gariuai, Munisípiu Baucau.
Projetu ne’e implementa husi kontratór SKRaG Unipessoal Lda. Teste ne’ebé hala’o husi tékniku Laboratóriu ADN I.P ne’e importante atu verifika no avalia kualidade konkretu, hodi asegura katak material ne’ebé uza iha konstrusaun kumpre padraun tékniku no espesifikasaun ne’ebé determina ona iha projetu.
Atividade teste no verifikasaun kualidade material iha tereñu hanesan parte importante husi prosesu kontrolu kualidade konstrusaun, hodi suporta implementasaun projetu ne’ebé seguru, resistente no tuir espesifikasaun téknika.
ADN I.P kontinua hala’o monitorizasaun no kontrolu kualidade ba projetu infraestrutura sira, hodi asegura katak implementasaun projetu tuir padraun tékniku ne’ebé aplika.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;