Tekniku Laboratoriu ADN,I.P. Akompanha Paving Hot Mic AC-WC Iha Kuluhun - Taibesi No Estrada Delta 4
- Publika husi: Celso
- Loron: 19/Oct/2026
DÍLI, 19/10/2026. Tékniku husi Laboratóriu Ajénsia Dezenvolvimentu Nasionál, Institutu Públiku (ADN, I.P.) akompaña atividade paving Hot Mix Asphalt AC-WC iha área Kuluhun-Taibesi, ne’ebé implementa husi kompáña Cardino Unipessoal Lda.
Akompañamentu tékniku ne’e importante atu asegura katak prosesu aplikasaun asfaltu hala’o tuir prosedimentu tékniku no padraun kualidade ne’ebé determina ba implementasaun projetu infrastruktura rodoviária.
Iha oportunidade seluk, tékniku husi Laboratóriu ADN, I.P akompaña mós prosesu kolokasaun asfaltu iha estrada Delta 4, Dili, núdar parte husi atividade monitorizasaun téknika ba servisu konstrusaun no reabilitasaun estrada.
Liuhusi atividade akompañamentu no monitorizasaun téknika hirak-ne’e, ADN, I.P kontinua hala’o nia knaar atu apoiu kontrolu kualidade materiál no prosesu ezekusaun obra, ho objetivu atu asegura katak infraestrutura rodoviária ne’ebé konstrui ka reabilita kumpre ho rekizitu tékniku no padraun kualidade ne’ebé aplika.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;