EKIPA ADN HALO INSPESAUN BA PAGAMENTU PROJETU UMA DIGNO IHA NATARBORA
- Publika husi: Celso
- Loron: 28/Oct/2026
Manatuto, 28/10/2026. Ekipa Ajénsia Dezenvolvimentu Nasionál, Institutu Públiku (ADN, I.P) iha Munisípiu Manatuto hala'o inspesaun ba pagamentu projetu Uma Dignu iha área Au-beon, Postu Administrativu Natarbora, Munisípiu Manatuto, ne'ebé implementa husi kompaña Delon Union, Lda.
Inspesaun ne'e iha objetivu atu verifika no avalia servisu ne'ebé kompaña ezekuta iha tereñu, atu asegura katak servisu ne'ebé aprezenta ba pagamentu tuir ho progresu no kondisaun servisu ne'ebé realiza iha kampu.
Liuhusi inspesaun ne'e, ADN, I.P kontinua hala'o ninia knaar atu monitoriza no kontrola implementasaun projetu infraestrutura, hodi asegura katak ezekusaun servisu tuir kontratu, padraun tékniku no rekizitu ne'ebé aplika.
ADN, I.P kontinua kompromete atu hala'o fiskalizasaun no monitorizasaun ba projetu dezenvolvimentu sira, hodi promove transparénsia, responsabilidade no kualidade iha ezekusaun orsamentu Estadu.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;