ADN,I.P. Akompanha Ministru MPIE Halao Audiensia Publiku Ho Komisaun Permanente D no G Iha PN Kona-ba Proposta OJE 2027 Nian
- Publika husi: Celso
- Loron: 22/Oct/2026
Dili, 22/10/2026, Diretor Ezekutivu ADN,I.P. Eng. Januario Maia Guterres no Koordenadora UGA ho nia ekipa akompaña Ministru MPIE hala'o audiénsia kona-ba Proposta OJE 2027 nian ho Komisaun Permanente D no G iha Parlamentu Nasional.
Objetivu hosi audiénsia ne'e maka, deputadu sira hosi komisaun D no G hosi Parlamentu Nasional rona rasik oinsá ADN,I.P. no MPIE nia planu ka programa atu bele ezekuta OJE 2027 nian, molok PN ho Governu halo debate ba Proposta OJE 2027 nian ne'e.
Maibé iha biban ida ne'e, ADN,I.P. no MPIE esplika mós oinsá ezekusaun OJE 2026 nian ne'ebá maka sei la'o hela ne'e.
Ezekusaun ADN,I.P. nian ba OJE 2026 to'o fulan Outobru ne'e 64 %. Kona-ba serbisu ne'ebá maka ADN,I.P. hala'o to'o agora ne'e maka hanesan: Verifika ona projetu 488 no halo inspesaun ba projetu 872 no mós identifika projetu abandonadu hamutuk 22 iha Timor-laran tomak.
Hafoin iha fali sesaun diskusaun entre ADN,I.P. no MPIE ho deputadu sira hosi komisaun D no G oinsá maka buka solusaun ba dezafiu sira ne'ebá maka hasoru bainhira hala'o ezekusaun OJE 2026 nian iha fulan sira ikus nian ne'e. (Media- ADN,I.P.)
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;