Dili, 26/10/26,  Diretor Ezekutivu ADN,I.P. Enj. Januario Maia Guterres hamutuk ho koordenadora UGA no nia ekipa akompaña Ministru MOP ne`ebé maka reprezenta mós Ministru MPIE halao audiensia publika ho Komisaun C iha Plenaria  Parlamentu Nasional, kona-ba  proposta OJE 2027 nian.

Objetivu hosi audiensai ne`e maka deputadu sira hakarak rona rasik informasaun sira hosi Ministru MOP no teknika sira hosi MOP no MPIE nian kona-ba oinsa dezenvolvimentu infraestrutura  (elektrika, bee mos, estrada-ponte, irigasaun no edifisiu ), molok  PN ho Governu halao fali debate ba Proposta OJE 2027 nian. Tanba osan barak hosi OJE ne`e maka aloka ba dezenvolvimentu infraestrutura. 

Iha sesaun diskusaun deputadu sira fó apresiasaun ba MOP no MPIE ne`ebé maka halao ona progresu dezenvolvimentu iha area infraestrutura barak ho diak, maibé, deputadu sira husu nafatin ba MOP no MPIE atu kontinua halao didiak dezenvolvimentu infraestrutura haree liu ba nia kualidade laos kuantidade, katak  laos basta halo projetu infraestrutura barak iha Timor laran , maibé kualidade hosi projetu infraestrutura ne`ebé halo ne`e maka tenki iha kualidade diak hodi ita bele utiliza iha tempu naruk. Ho nune`e, osan barak ne`ebé iha OJE ne`e bele halo fali dezenvolvimentu iha area seluk.  (Media- AND,I.P.)