ADN,I.P. Ho Laboratorium Nasional Akompanha FDT Ba Material Sub-Base Course Iha Projetu Reabilitasaun Estrada Batugade Pakote 1
- Publika husi: Celso
- Loron: 19/Oct/2026
BATUGADE, 19/10/2026. Ekipa téknika husi Laboratóriu Ajénsia Dezenvolvimentu Nasionál, Institutu Públiku (ADN I.P) hamutuk ho Laboratóriu Nasionál, hala’o akompañamentu no teste ba material sub-base course iha projetu Reabilitasaun Estrada Batugade, Pakote I, iha seksaun Estasaun 0+000 to’o Estasaun 8+000, ho naruk total 8 km.
Atividade akompañamentu no teste iha tereñu ne’e nia objetivu atu verifika kualidade no konformidade material sub-base course ne’ebé sei uza iha konstrusaun estrada, tuir espesifikasaun téknika no padraun kualidade ne’ebé aplika ba projetu.
Partisipasaun husi ekipa téknika ADN I.P no Laboratóriu Nasionál ne’e importante atu asegura katak material ne’ebé uza iha obra kumpre rekezitu tékniku, nune’e bele suporta durabilidade no kualidade infraestrutura estrada nian.
Akompañamentu no teste laboratóriu hanesan parte importante ida husi prosesu kontrolu kualidade, hodi asegura implementasaun projetu tuir espesifikasaun kontratu no padraun tékniku ne’ebé relevante.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;