ADN,I.P. Viqueque Halo Teste Material no Monitorizasaun Ba Projetu Reabilitasaun Estrada
- Publika husi: Celso
- Loron: 21/Oct/2026
Viqueque, 21/10/2026. Ekipa téknika ADN, I.P Munisípiu Viqueque, hamutuk ho Laboratóriu ADN, I.P foti amostra ba betãun ho rezisténsia 30 MPa ne’ebé sei uza ba konstrusaun sidewalk iha Ponte Welolo. Aleinde ne’e, ekipa téknika halo mós teste Field Density Test (FDT) ba materiál embankment, atu verifika no avalia kualidade materiál ne’ebé uza iha implementasaun projetu.
Atividade teste materiál ne’e relasiona ho projetu Reabilitasaun Estrada Uma Boco–Viqueque, Sobu no Reinstalasaun, iha Munisipiu Viqueque.
Projetu ne’e implementa husi kontratór NANANIU ENGINEERING & CONSTRUCTION COMPANY Unipesoál Lda, ho númeru kontratu SSS/118/MOP-2025 no montante kontratu US$ 4,398,863.24.
Iha atividade seluk, ekipa ADN, I.P Munisípiu Viqueque hala’o mós monitorizasaun ba implementasaun projetu Rehabilitasaun Estrada Junta Luca Raihun ba Lacluta Dilor Sta. 7+000–13+922.67 (Package II)”.
Projetu ne’e implementa husi kontratór HOVEN II Unipesoál Lda, ho númeru kontratu SSS/136/MOP-2025 no montante kontratu US$ 3,494,938.50.
Atividade teste materiál no monitorizasaun ne’e nu’udar parte husi esforsu ADN, I.P. atu akompaña implementasaun projetu infraestrutura rodoviária, no asegura katak servisu konstrusaun hala’o tuir espesifikasaun téknika no padraun kualidade ne’ebé aplika ba projetu.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;