Liquiçá, 05/10/ 2026. Ekipa Ajénsia Dezenvolvimentu Nasionál Institutu Públiku (ADN, I.P), ne’ebé destakadu iha Munisípiu Liquiçá, hala’o monitorizasaun ba projetu Reabilitasaun Edifísiu Laboratóriu AIFAESA, I.P ne’ebé implementa husi kompańa Oceano Unipessoal, Lda.

Monitorizasaun ne’e hala’o atu haree no akompaña progresu implementasaun obra iha tereñu, inklui kondisaun no kualidade servisu ne’ebé hala’o husi kompaña implementadóra, atu asegura katak ezekusaun projetu tuir padraun tékniku, planu no kondisaun kontratu ne’ebé determina ona.

Hala’o monitorizasaun regularmente importante atu identifika ho lalais karik iha problema ka dezviu durante prosesu konstrusaun, nune’e bele fó orientasaun no rekomendasaun téknika ba parte relevante sira hodi asegura kualidade, durasaun no utilizasaun obra tuir objetivu projetu.

ADN, I.P liuhusi ekipa téknika iha munisípiu sira, kontinua hala’o monitorizasaun no akompañamentu ba projetu infraestrutura públika, núdar parte husi esforsu atu asegura implementasaun obra ne’ebé transparente, ho kualidade no tuir rekizitu tékniku no kontratu.