Ekipa Teknika ADN,I.P. Hamutuk Ho Laboratoriu Nasional Halo Teste FDT Ba Projetu Reabilitasaun Estrada Ainaro - Covalima
- Publika husi: Celso
- Loron: 20/Oct/2026
Ainaro, 20/10/2026. Ekipa konjunta ne’ebé kompostu husi tékniku Laboratóriu ADN, I.P tékniku ADN, I.P ne’ebé destakadu iha Munisípiu Ainaro, no tékniku Laboratóriu Obras Nasionál, hala’o teste Field Density Test (FDT) ba kamada fundasaun leten (Base Course) iha ámbitu implementasaun Projetu Reabilitasaun Estrada Ainaro–Covalima.
Atividade teste ne’e hala’o atu verifika no avalia densidade material Base Course iha tereñu, hodi asegura katak servisu konstrusaun estrada kumpre ho espesifikasaun téknika no padraun kualidade ne’ebé determina ona.
Projetu reabilitasaun estrada ne’e implementa husi kompaña China Overseas (COVEC), ho akompañamentu tékniku husi ekipa kompetente atu asegura kualidade no konformidade servisu durante prosesu konstrusaun.
Teste FDT núdar prosedimentu importante iha kontrolu kualidade konstrusaun estrada, tanba ajuda determina grau kompaktasaun material iha terrenu antes kontinua ba etapa servisu tuirmai.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;