ADN,I.P. Lautem Halo Inspesaun Ba Projetu Reabilitasaun Estrada Rural Cainliu - Larisula Iliomar
- Publika husi: Celso
- Loron: 21/Oct/2026
Lautém, 21/10/2026. Ekipa téknika husi Ajénsia Dezenvolvimentu Nasionál, Institutu Públiku (ADN, I.P) Munisípiu Lautém hala’o inspesaun ba Projetu Reabilitasaun Estrada Rural Cainliu–Larisula, ne’ebé lokaliza iha Postu Administrativu Iliomar, Munisípiu Lautém.
Projetu ne’e implementa husi empreiteiru Ilie Chão Unipesoál Lda ho númeru kontratu RT/122/MOP-2021 no valor kontratu totál US$ 576,165.06.
Inspesaun ne’e hala’o atu verifika no avalia servisu ne’ebé empreiteiru implementa iha tereñu, núdar parte husi prosesu verifikasaun ba pagamentu final tuir kontratu no prosedimentu tékniku ne’ebé aplika.
Projetu reabilitasaun estrada rural ne’e kobre distánsia husi Sta. 0+000 to’o Sta. 2+700, ho naruk totál 2.7 km.
Liuhusi inspesaun ne’e, ADN, I.P kontinua hala’o nia knaar iha monitorizasaun no verifikasaun téknika ba implementasaun projetu infraestrutura públika, atu asegura katak servisu ne’ebé hala’o iha terrenu kumpre rekizitu kontratuál no padraun tékniku aplikável.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;