Teknika Laboratorium ADN,I.P. Halo Teste FDT Ba Propriedade Embakment Iha Projetu Reabilitasaun Estrada Caisido - Caibada Uaimua - Pousada
- Publika husi: Celso
- Loron: 08/Oct/2026
Baucau, 08/10/2026. Tékniku husi Laboratóriu Ajénsia Dezenvolvimentu Nasionál, Institutu Públiku (ADN,I.P) hala’o teste Field Density Test (FDT) ba propriedade emblamentu (embankment) iha Projetu Rehabilitasaun Estrada Caisido liga ba Caibada Uaimua no liga ba Pousada (Vila Antiga), Lot 2, Munisípiu Baucau.
Teste FDT ne’e hala’o atu verifika no avalia densidade no grau kompaktasaun materiál emblamentu ne’ebé aplika iha koridor estrada. Verifikasaun ida-ne’e importante atu asegura katak materiál ne’ebé uza iha embankment atinje nivel kompaktasaun ne’ebé determina iha espesifikasaun téknika no padraun konstrusaun.
Iha prosesu teste, tékniku Laboratóriu ADN,I.P halo medisaun iha tereñu hodi determina densidade materiál kompaktadu no kompara rezultadu ho densidade máxima ne’ebé hetan liu husi teste laboratóriu. Rezultadu FDT bele sai baze téknika atu determina se kamada embankment nian kumpre ka lae ho rekizitu kompaktasaun antes kontinua ba etapa konstrusaun tuir mai.
Monitorizasaun no teste laboratóriu ne’ebé hala’o husi ADN,I.P ne’e parte husi esforsu atu asegura kualidade, seguransa no durabilidade infraestrutura estrada, nune’e implementasaun projetu bele tuir espesifikasaun téknika no padraun ne’ebé aplika.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;