ADN,I.P. Manufahi Monitoriza Projetu Reabilitasaun Estrada Rural Iha Same
- Publika husi: Celso
- Loron: 21/Oct/2026
SAME, 20/10/2026. Ekipa téknika husi Ajénsia Dezenvolvimentu Nasionál, Institutu Públiku (ADN, I.P), Munisípiu Manufahi, hala’o monitorizasaun ba implementasaun projetu reabilitasaun estrada rurál ho apoiu FRC, iha Aldeia Manico to’o Aldeia Seherama, estasaun 0+000 to’o 3+000, Suku Letefoho no Babulo, Postu Administrativu Same Vila, Munisípiu Manufahi.
Projetu ne’e implementa husi kompaña Afifra Unipessoal, Lda ho montante orsamentu totál US$ 515,668.29, no progresu fiziku to’o agora atinji 7.02%.
Monitorizasaun ne’e hanesan parte ida husi knaar ADN, I.P atu akompaña no kontrola progresu implementasaun projetu infraestrutura iha tereñu, hodi asegura katak ezekusaun servisu la'o tuir planeamentu no padraun tékniku ne’ebé determina, no promove kualidade no sustentabilidade infraestrutura estrada rurál, atu nune’e bele fó benefísiu ba komunidade lokál.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;