ADN,I.P. Akompanha Teste Amostra Betaun 30 MPa ba Projetu Konstrusaun Tribunal
- Publika husi: Celso
- Loron: 02/Oct/2026
Viqueque, 02/10/2026. Tékniku ADN,I.P Munisípiu Viqueque akompaña ekipa Laboratóriu Nasionál hamutuk ho Tékniku husi na'in ba Projetu foti amostra betãun ho rezisténsia 30 MPa iha tereñu ba projetu Konstrusaun Foun Edifísiu Tribunal Judisiál Primeira Instánsia no Rezidénsia Juíz (Prototipu) iha Munisípiu Viqueque.
Projetu konstrusaun ne’e implementa husi Kompaña Bonavida, Unipessoal Lda.
Atividade foti amostra betaun ne’e realiza núdar parte husi prosesu kontrolu no garantia kualidade konstrusaun, liuliu atu verifika se betãun ne’ebé uza iha obra kumpre ho espesifikasaun téknika no padraun kualidade ne’ebé determina iha dokumentu kontratu.
Amostra ne’ebé foti sei submete ba prosesu teste laboratóriu atu determina nia rezisténsia komprensaun no asegura katak betaun ne’e atinji rezisténsia ne’ebé determina, mak 30 MPa.
ADN,I.P liuhusi ekipa téknika iha munisípiu kontinua halo akompañamentu no monitorizasaun ba implementasaun projetu sira, ho objetivu atu asegura kumprimentu ba aspetu tékniku, kualidade, no padraun konstrusaun durante prosesu ezekusaun obra.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;