ADN no Laboratóriu MOP Halo Verifikasaun Materiál ba Projetu Reabilitasaun Estrada iha Mehara
- Publika husi: Celso
- Loron: 18/Nov/2026
Lautém, 18/11/2026. Tékniku sira husi Laboratóriu Ajénsia Dezenvolvimentu Nasionál Institutu Públiku (ADN, I.P.), hamutuk ho tékniku sira husi Laboratóriu Ministériu Obras Públikas (MOP), hala'o verifikasaun no kontrolu kualidade ba materiál konstrusaun ne'ebé sei uza iha projetu reabilitasaun estrada munisipál iha Mehara, Munisípiu Lautém.
Durante atividade ne'e, ekipa téknika sira hala'o teste ba amostra rai aterru (embankment) no mós halo observasaun direta ba materiál agregadu ne'ebé rai ona iha fatin implementasaun projetu, ne'ebé sei uza atu prepara no halo mistura ba kamada baze sekundária (sub-base).
Atividade ida-ne'e nia objetivu mak atu asegura katak materiál sira ne'ebé sei uza iha konstrusaun estrada kumpre padraun tékniku no espesifikasaun kontratu ne'ebé determina, hodi garante kualidade, durabilidade no seguransa infraestrutura estrada.
Projetu reabilitasaun estrada munisipál iha Mehara ne'e implementa husi kompaña kontratór FLOACJO, Lda no Waousera Unipesoál, Lda.
Verifikasaun no kontrolu kualidade ne'e hatudu kompromisu ADN, I.P. hamutuk ho MOP atu kontinua asegura katak implementasaun projetu infraestrutura públika lao tuir padraun tékniku no kualidade ne'ebé determina.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;



