ADN, I.P HALA’O INSPESAUN PAGAMENTU BA PROJETU KONSTRUSAUN EDIFÍSIU ESKOLA IHA MUNISÍPIU LIKISÁ
- Publika husi: Celso
- Loron: 19/Nov/2026
Likisá, 19/11/2026. Ajénsia Dezenvolvimentu Nasionál, Institutu Públiku (ADN, I.P), liuhusi ekipa téknika Munisípiu Likisá, hala’o inspesaun pagamentu ba projetu kontinua konstrusaun edifísiu eskola ho andár rua (unidade 2), rezidénsia ba manorin nain (unidade 2), no sentru seguransa ne’ebé inklui kafé, iha Munisípiu Likisá.
Projetu ne’e implementa husi kompaña Nevan Rafa Construction Unipesoál Lda.
Inspesaun ne’e nia objetivu mak atu halo verifikasaun direta ba servisu konstrusaun ne’ebé kompania ezekuta ona iha tereñu, hodi asegura katak kuantidade no progresu servisu ne’ebé realiza koresponde ho pedidu pagamentu no kumpre ho espesifikasaun téknika no kondisaun kontratu.
Liuhusi inspesaun ne’e, ADN, I.P kontinua hala’o ninia responsabilidade iha monitorizasaun no kontrolu ba implementasaun projetu infraestrutura públika, hodi asegura kualidade servisu, transparénsia no responsabilidade iha utilizasaun rekursu públiku, atu projetu sira bele implementa tuir padraun tékniku no fó benefísiu ba komunidade.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;



