Loron 12 Novembru la’ós de’it loron atu hanoin fali istória, maibé loron atu hametin nafatin ita-nia konsiénsia nasionál kona-ba sakrifísiu, korajen no espíritu luta husi mártir sira ne’ebé hakarak haree Timor-Leste livre no independente.

Iha loron istóriku ida-ne’e, iha tinan 1991, iha rate Santa Cruz, Dili, Joven Timor oan barak lakon sira-nia vida no hetan kanek tanba sira hakarak defende liberdade, justisa no dignidade umana.

Sira-nia sakrifísiu la’ós buat ida ne’ebé bele haluha. Sira-nia ran sai hanesan símbolu luta no testamentu istóriku ba jerasaun ohin no aban-bainrua.

Ita-nia responsabilidade ohin la’ós de’it atu hanoin sira, maibé atu kontinua sira-nia mehi liuhusi dame, unidade, justisa, solidariedade no dezenvolvimentu nasionál.

Memória ba mártir Santa Cruz sei moris nafatin iha ita-nia laran.

Loron 12 Novembru, ita hanoin, ita respeita no ita kontinua luta ba Timor-Leste ne’ebé justu, forte no prosperu.

Joven barak mate, maibé sira nia espíritu sei moris nafatin iha ita-nia istória.

Louvór ba mártir sira!

Viva Timor-Leste!