DIRETOR EZEKUTIVU ADN,I.P. HALO ENKONTRU HO BISPU DEOSEZE MALIANA KONA-BA INFRAESTRUTURA RELIJIOJA
- Publika husi: Celso
- Loron: 09/Nov/2026
Bobonaro, 09/11/2026. Diretór Ezekutivu Ajénsia Dezenvolvimentu Nasionál, Institutu Públiku (ADN, I.P), Eng. Januário Maia Guterres, akompaña husi Koordenadór Unidade Kontrolu no Verifikasaun Kualidade (UCVQ-ADN), Arq. Francisco Xavier de Deus Jerónimo, hala’o enkontru ho Bispu Dioseze Maliana, Dom Norberto do Amaral, ne’ebé akompaña mós husi padre sira husi Parókia no Kuaze-Parókia Suai.
Enkontru ne’e hala’o iha Sekretariadu Kámara Ekleziástika, Estrada de Cristo Rei, Lahomea / Rua de Bulobo-Lugululi-Colegio, Maliana.
Enkontru ne’e foka liu ba diskusaun kona-ba kondisaun no nesesidade dezenvolvimentu infraestrutura relijioza iha área jurisdisaun Dioseze Maliana, inklui infraestrutura sira iha Parókia Suai.
Diskusaun ne’e importante atu promove komunikasaun no koordenasaun entre ADN,I.P no Igreja Katólika, liuliu iha identifikasaun nesesidade infraestrutura relijioza ne’ebé bele kontribui ba hadi’a kondisaun fatin kultu, atividade pastorál no servisu sosial Igreja nian ba komunidade.
Liuhusi enkontru hanesan ne’e, ADN, I.P kontinua promove diálogu no kolaborasaun ho parte interesada sira, hodi asegura katak nesesidade dezenvolvimentu infraestrutura iha komunidade sira bele hetan atensaun tuir prosedimentu no kompeténsia institusionál.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;