ADN,I.P. Liquica Halo Inspesaun Pagamentu 100% Ba Projetu Konstusaun Moru Protesaun Gabion Iha Liquica
- Publika husi: Celso
- Loron: 10/Nov/2026
Liquiçá, 10/11/2026. Ekipa tékniku Ajénsia Dezenvolvimentu Nasionál, Institutu Públiku (ADN.I.P), ne’ebé destakadu iha Munisípiu Liquiçá, hala’o inspesaun ba pagamentu 100% ba projetu konstrusaun Moru Protesaun Gabion, Pakote II, iha Mota Besiten Ulmera, tuir seksaun L/S, estasaun (Sta.) 0+500–0+500, Aldeia Manemori, Suku Ulmera, Postu Administrativu Bazartete, Munisípiu Liquiçá.
Projetu ne’e iha númeru kontratu MOP-EO-25064, ho montante kontratu hamutuk USD 529,361.76. Projetu ne’e implementa husi kompaña Roman - ASM3, Unipessoal, Lda.
Inspesaun ne’e ho objetivu atu verifika no avalia kondisaun fizika no konformidade obra ho espesifikasaun téknika no dokumentu kontratu, núdar parte husi prosesu verifikasaun antes ezekuta pagamentu final.
ADN.I.P, liuhusi ekipa téknika munisipál, kontinua hala’o monitorizasaun no fiskalizasaun ba implementasaun projetu infraestrutura públika, atu asegura kualidade obra no responsabilizasaun iha jestaun investimentu públiku.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;