ADN, I.P APOIA PREPARASAUN SELEBRASAUN LORON PROKLAMASAUN UNILATERALMENTE INDEPENDÉNSIA RDTL IHA TASI TOLU
- Publika husi: Celso
- Loron: 17/Nov/2026
Dili, 17/11/ 2026. Ajénsia Dezenvolvimentu Nasionál, Institutu Públiku (ADN, I.P), liuhusi Ekipa Mekanika no Eletrisidade (ME), fó apoiu tékniku ba Komisaun Organizadora iha preparasaun ba selebrasaun Loron Proklamasaun Independénsia Unilaterál Repúblika Demokrátika Timor-Leste (RDTL) ba dala-51, ne'ebé sei hala'o iha loron 28 Novembru 2026, iha Tasi Tolu, Dili.
Apoiu ne'e realiza liuhusi koordenasaun entre Ekipa ME-ADN, I.P ho Komisaun Organizadora, hodi asegura preparasaun no instalasaun rede eletrisidade, inklui fornese no halo ligasaun eletrisidade ba estande (baraka) sira ne'ebé tékniku sira husi munisípiu hotu iha territóriu Timor-Leste prepara hela.
Iha prosesu ne'e, Ekipa ME-ADN, I.P kontinua servisu hamutuk ho Komisaun Organizadora atu asegura katak instalasaun eletrisidade ba fatin sira ne'ebé sei uza durante eventu bele hala'o ho di'ak, tuir nesesidade téknika no konsiderasaun seguransa eletrisidade.
Partisipasaun Ekipa ME-ADN, I.P iha preparasaun ne'e hatudu kompromisu instituisaun nian atu fó apoiu tékniku ba atividade nasionál, liuliu iha aspetu infraestrutura no instalasaun eletrisidade, hodi kontribui ba susesu selebrasaun Loron Proklamasaun Independénsia Unilaterál RDTL ba dala-51.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;



