info@adn.gov.tl
+670 3310289

Ekipa téknika Ajénsia Dezenvolvimentu Nasionál, Institutu Públiku (ADN, I.P) Munisípiu Viqueque hala’o inspesaun ba pedidu pagamentu IPC 05 ba Projetu Reabilitasaun Estrada Rural Kraras–Weluli

  • Publika husi: Celso
  • Loron: 18/Nov/2026

VIQUEQUE, 18/11/2026. Ekipa téknika Ajénsia Dezenvolvimentu Nasionál, Institutu Públiku (ADN, I.P) Munisípiu Viqueque hala’o inspesaun ba pedidu pagamentu IPC 05 ba Projetu Reabilitasaun Estrada Rural Kraras–Weluli, ho ekstensaun husi estasaun 0+000 to’o 2+200, iha Munisípiu Viqueque.
Inspesaun ne’e nia objetivu atu verifika no avalia diretamente progresu obra ne’ebé kompaña LutuTare Unipesoál Lda ezekuta, hodi asegura katak servisu konstrusaun ne’ebé hala’o iha kampu kumpre ho eskopu servisu, espesifikasaun téknika no kondisaun kontratu ne’ebé aprova ona.
Projetu ne’e implementa bazeia ba númeru kontratu MPW-W-240122, ho montante kontratu hamutuk US$ 551,941.70.
Liuhusi inspesaun ne’e, ADN, I.P hala’o nia papél iha monitorizasaun no fiskalizasaun ba implementasaun projetu infraestrutura, liuliu atu asegura katak prosesu pagamentu bazeia ba servisu ne’ebé kompaña ezekuta no verifika ona iha kampu.
ADN, I.P kontinua hala’o monitorizasaun no inspesaun téknika ba projetu dezenvolvimentu iha munisípiu sira, hodi promove transparénsia, responsabilidade no kualidade iha ezekusaun obra públika, atu infraestrutura ne’ebé harii bele fó benefísiu ba komunidade.

LEMA ADN

  • Aprende hodi halo, halo hodi aprende;
  • Haburas kreatividade no inovativo de servisu;
  • Hametin principiu servisu salva an, salva superior/liders, salva instituisaun no salva nasaun;