info@adn.gov.tl
+670 3310289

ADN no MOP Hamutuk Halo Teste no Foti Amostra Betãun ba Konstrusaun Tribunál iha Baucau

  • Publika husi: Celso
  • Loron: 18/Nov/2026

Baucau, 18/11/2026. Ajénsia Dezenvolvimentu Nasionál, Institutu Públiku (ADN, I.P), liuhusi ekipa téknika Munisípiu Baucau, hamutuk ho tékniku Laboratóriu ADN no Ministériu Obras Públikas (MOP), hala’o teste repetisaun no foti amostra betãun ba verifikasaun kualidade iha projetu konstrusaun edifísiu Tribunál Judisiál Primeira Instánsia no rezidénsia juís nian, iha Munisípiu Baucau.
Projetu ne’e implementa hela husi kompaña Shandong Hejian Construction Group Co Ltd ho objetivu atu asegura katak materiál konstrusaun, liuliu betãun ne’ebé uza iha obra, kumpre ho padraun tékniku no espesifikasaun ne’ebé determina ona iha dezeñu no dokumentu kontratu.
Atividade teste repetisaun no foti amostra betãun ne’e importante atu verifika rezisténsia no kualidade betãun antes no durante prosesu konstrusaun, nune’e bele asegura durabilidade, seguransa no estabilidade estrutura edifísiu nian.
Liuhusi kolaborasaun entre ADN, I.P no MOP, atividade monitorizasaun no verifikasaun téknika hanesan ne’e kontinua sai parte importante hodi asegura katak implementasaun projetu infraestrutura públika hala’o tuir padraun tékniku, kualidade no espesifikasaun kontratu ne’ebé aprova ona.

LEMA ADN

  • Aprende hodi halo, halo hodi aprende;
  • Haburas kreatividade no inovativo de servisu;
  • Hametin principiu servisu salva an, salva superior/liders, salva instituisaun no salva nasaun;