ADN,I.P. Bobonaro Foti Amostra Betaun Ba Teste Kualidade Iha Projetu Renovasaun Sentru Treinamentu Polisia Atabae
- Publika husi: Celso
- Loron: 09/Nov/2026
Bobonaro, 09/11/2026. Ekipa téknika Ajénsia Dezenvolvimentu Nasionál, Institutu Públiku (ADN, I.P), Munisípiu Bobonaro, hamutuk ho ekipa Laboratóriu ADN, hala’o atividade foti amostra betãun ho rezisténsia 21 MPa (Megapascal) ba elementu konstrusaun koluna, iha âmbitu Projetu Renovasaun Sentru Treinamentu Polísia, iha Postu Administrativu Atabae, Munisípiu Bobonaro.
Atividade foti amostra ne’e nia objetivu atu halo teste laboratóriu hodi verifika no avalia kualidade no rezisténsia betãun ne’ebé uza iha konstrusaun koluna, atu asegura katak materiál konstrusaun kumpre ho espesifikasaun téknika no padraun kualidade ne’ebé determina ona iha projetu.
Monitorizasaun no teste laboratóriu hanesan ne’e importante tebes atu asegura kualidade obra, garante seguransa estrutura edifísiu no prevene risku defeitu konstrusaun, nune’e investimentu públiku bele fó benefísiu duradouru ba utilizadór sira.
Projetu Renovasaun Sentru Treinamentu Polísia iha Atabae ne’e implementa husi Kompaña Salme Tilis Unipessoal, Lda.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;