Diretór Adjuntu ADN, I.P Halo Koordenasaun ho Autoridade Munisipiu Liquiça ba Identifikasaun Eskola no Postu Saúde
Liquiça, 19/02/2026. Diretór Adjuntu ADN,I.P Eng. Demistocles G. X. F. Cabral akompaña husi Tékniku ADN,I.P destakadu iha munisipiu Liquiça hala’o enkontru ho Sekretariu Munisipál Administrasaun Planeamentu, Investimentu no Dezenvolvimentu Integradu da Autoridade Munisipiu Liquiça Sr. Francisco dos Santos Pereira, L.DC ne’ebé maka iha biban ne’e reprezenta hela Prezidente Autoridade Munisipiu Liquiça Sr. Paulino Ribeiro. M.PA. Enkontru ida ne’e realiza iha Edifisiu Administrasaun Autoridade Munisipiu Liquiça.
ADN no PAM Ermera Enkontru hodi Ko’alia Kona-ba Melloramentu Eskola no Postu Saúde iha Ermera
Ermera, 16/02/2026. Diretór Ezekutivu ADN,I.P Eng. Januario Maia Guterres akompaña husi Tékniku ADN,I.P destakadu iha munisipiu Ermera hamutuk ho Xefi Departamentu Infra-estrutura Ministériu Edukasaun nian hala’o enkontru Koordenasaun servisu ho Prezidente Autoridade Munisipiu Ermera Sr. José Martinho dos Santos Soares relasiona ho identifikasaun kondisaun eskola no postu saúde sira ne’ebé maka ho kondisaun estragadu no grave no tenki halo intervensaun ho urjenti. Enkontru ida ne’e rasik realiza iha sala enkontru Gabinete PAM nian.
Disseminasaun Dekretu Lei nú 3/2026, 3 fulan Fevereiru kona-ba rezime Juridiku ba kontratu traballu iha termu sertu iha Administrasaun Públiku
Dili, 13/02/2026. Diretór Ezekutivu ADN,I.P Eng. Januario Maia Guterres akompaña mós husi Koordenadóra UGA-ADN,I.P Sra. Amelia da Costa no ekipa inklui Assesór Tékniku ADN,I.P partisipa iha atividade Disseminasaun Dekretu Lei nú 3/2026, 3 fulan Fevereiru kona-ba rezime Juridiku ba kontratu traballu iha termu sertu iha Administrasaun Públiku. Atividade ida ne’e rasik realiza iha Auditoriu Ministériu Finansas, Aitarak laran, Dili.
Prioridade Dezenvolvimentu : Hametin Infra-Estrutura Saude no Edukasaun
Manufahi,12/02/2026. Dezenvolvimentu infra-estrutura sai hanesan xave importante ida ne’ebé maka Timor-Leste foku ba, dezde hetan tiha ninia independénsia iha tinan 2002. Nu’udar nasaun ho nesesidade dezenvolvimentu báziku ne’ebé signifikativu, governu servisu hamutuk ho parseiru internasionál sira hodi hadi’a konetividade, asesu ba servisu públiku, reziliénsia ba klima, no kreximentu ekonómiku ne’ebé sustentável.
Diretór Ezekutivu ADN,I.P Hasoru PAM Covalima Hodi Koalia Kona-ba Halo Identifikasaun ba Eskola no Postu Saúde Ne’ebé Kondisaun At no Grave iha Covalima.
Covalima, 11/02/2026. Diretór Ezekutivu AND,I.P Eng. Januario Maia Guterres akompaña husi Tékniku ADN,I.P destakadu iha munisipiu Covalima, no mós Xefi Departamentu Infraestrutura Ministeriu Edukasaun nian, hala’o enkontru ho Prezidente Autoridade Munisipiu Covalima Sr. Miguel Armada Cardoso ne’ebé akompaña mós husi Sekretariu Munisipál Planeamentu, Investimentu no Dezenvolvimentu Integradu Sr. Caetano dos Santos Ribeiro inklui Servisu Munisipál saúde, Servisu Munisipál Edukasaun nian, Serviço Munisipal Obras Públikas no Transportes, Servisu Munisipál Planeamentu Integradu no Dezenvolvimentu no mós Xefi Departamentu Infraestrutura Ministeriu Edukasaun nian. Enkontru ida ne’e rasik hala’o iha Sala enkontru Autoridade Munisipál nian iha Avenida Mártires da Pátria, Covalima.
LEMA ADN
- Aprende hodi halo, halo hodi aprende;
- Haburas kreatividade no inovativo de servisu;
- Hametin principiu servisu salva an, salva superior/liders, salva instituisaun no salva nasaun;